Obal

Este venres tivemos unha gran sorpresa. Ao chegar ás aulas, atopámonos á banda Obal, cos seus instrumentos dispostos a tocar para nós. Foi unha gran alegría porque xunto con eles aprendemos a bailar diversas danzas do mundo, e desta vez ata gravamos un vídeo! Xúntovolo aquí para que podades ter envidia do ben que o pasamos.

Por certo isto do baile non se nos da nada mal :)

O entroido

Nestas festas, como non podía ser doutra forma, os da Banda Leste decidimos celebrar o Entroido como bós e boas festeiros e festeiras que somos. Cada un trouxo o seu disfraz: trogloditas, princesas, policías... E ata a Raíña de Corazóns animouse a vir a nosa festa e tocar un pouco de música! Pasámolo moi ben xogando, bailando e maquillando a aqueles e aquelas que se olvidaran do seu disfraz. O ano que ven máis e mellor!

Bandos de reis

O outro día, os nenos e nenas da banda leste decidimos descubrir polo noso pé que é iso dos "Bandos de reis". Parece ser que é unha tradición moooi antiga, na que os mozos e mozas percorrían as casas e establecementos da súa vila ou aldea cantando (e pedindo aguinaldo!!) Na actualidade xa case non se leva a cabo, pero como a nós pareceunos moi guay fomos probalo polo nosa conta. Case todos e todas vestímonos de branco, como tradicionalmente se facía, e algúns ata se puxeron perrucas! 
O resultado foi xenial: ademais de pasar un bo rato cantando cancións e tocando (pandeiretas, tambores e ata un ukelele), os establecementos portáronse moi ben connosco, ao voltaren estabamos ata riba de lambetadas. Para o ano temos que repetir! Déixovos unhas fotos para que poidades comprobar o ben que nolo pasamos ese día!